માળીયામિંયાણા ગ્રામ્ય પંથકમાં પોણા ત્રણ ઈંચ વરસાદ ખાબકી ગયો ઉભા મોલ પર કાચુ સોનું વરસ્યુ.
વેજલપર વિસ્તારમાં સવારથી શરૂ થયેલો વરસાદ બપોર સુધીમાં બે ઈંચથી વધુ વરસી જતા ખેતરો પાણી પાણી થઈ ગયા
માળીયામિંયાણાના ગ્રામ્ય પંથકમાં આજે વહેલી સવારે ગાજવીજ સાથે મેઘસવારી આવી પહોંચી હતી જે સવારથી સાંજના ૬ વાગ્યા સુધીમાં પોણા ત્રણ ઈંચ વરસાદ નોંધાયો હતો સવારથી ધીમીધારે વરસતા મેઘરાજાએ સાંજ સુધીમાં પોણા ત્રણ ઈંચ જેટલુ હેત વરસાવી ઉભા મોલ પર જાણે કાચુ સોનું વરસ્યુ હોય તેમ ખેડુતોમાં ખુશી જોવા મળી હતી ધીમીધારે પડેલા વરસાદથી મોલ પર કાચુ સોનુ વરસ્યું હોય અને જરૂરીયાત સમયે જ મેઘરાજાની મહેર થતા ઉભામોલ પર જાણે અમૃતરૂપી વરસાદ વરસ્યો હોય તેમ ઉંઘતા મોલને જીવનદાન મળ્યું હતુ આમ આજે દીવસ દરમિયાન પડેલા વરસાદથી ખેતરો પાણી પાણી થઈ ગયા હતા તો ખાખરેચી વેજલપર ગામ વચ્ચેના હોકળામાં પાણી ચાલુ થઈ ગયા હતા ધીમીધારે પડેલા પોણા ત્રણ ઈંચ જેટલા વરસાદથી વાતાવરણમાં ઠંડક પ્રસરી ગઈ હતી અત્રે ઉલ્લેખનીય છે કે છેલ્લા ચારેક દિવસથી મોરબી જિલ્લા ઉપર મેઘમહેર જોવા મળી રહી છે જે આજે માળીયા તાલુકા પંથકમાં અન્ય તાલુકાને બાદ કરતા આજે સૌથી વધુ માળીયા તાલુકામાં ૬૯ મીમી વરસાદ નોંધાયો હતો.
- ગોંડલના ચાર બિસ્માર રસ્તાઓનાં કામ ક્યારે શરૂ થશે? નિતિનભાઈ સાંડપાએ તંત્ર સમક્ષ ઉઠાવ્યા સવાલો.
- રાજકોટમાં જનેતા બની જલ્લાદ: : 2 વર્ષની દીકરીને પાંચમા માળેથી ફેંકી દીધી, હત્યા કરનાર માતા પૂનમ સાકરીયાની ધરપકડ.
- શાપર(વે)માં LCBનો દરોડો: વિદેશી દારૂની 144 બોટલ સાથે બે શખ્સો ઝડપાયા, રૂ.1.25 લાખનો મુદ્દામાલ કબજે.
- પાટણવાવના લાઠ ગામે વૃદ્ધ દંપતીને બેભાન કરી સોનાનો હાર ઓગાળીને ઠગનાર બે શાતિર આરોપી LCB રાજકોટ ગ્રામ્યના હાથે ઝડપાયા.
- સુલતાનપુરમાંથી ઇંગ્લિશ દારૂ ઝડપાયો: રાવણા ગામ પાસે ઇન્ડિકા કારમાંથી 459 બોટલ સાથે બે આરોપી ઝડપાયા, રૂ.1.83 લાખનો મુદ્દામાલ કબજે.
419 thoughts on “માળીયામિંયાણા ગ્રામ્ય પંથકમાં પોણા ત્રણ ઈંચ વરસાદ ખાબકી ગયો ઉભા મોલ પર કાચુ સોનું વરસ્યુ.”
Comments are closed.