જસદણના ગઢડીયા ચોકડી પાસે એલસીબીનો દરોડો: રૂ.1.70 લાખના વિદેશી દારૂ સાથે જયંતી ઓતારાદિ ઝડપાયો, ત્રણ આરોપી ફરાર.

રાજકોટ ગ્રામ્ય લોકલ ક્રાઇમ બ્રાન્ચ (એલસીબી)એ જસદણ પોલીસ સ્ટેશન વિસ્તારમાં ગઢડીયા ચોકડી પાસે કાર્યવાહી કરી સ્વિફ્ટ કારમાં વિદેશી દારૂની હેરાફેરી કરતા એક આરોપીને ઝડપી પાડી કુલ રૂ.1,70,280નો મુદ્દામાલ કબજે કર્યો છે. જ્યારે આ ગુનામાં સંડોવાયેલા અન્ય ત્રણ આરોપીઓને વોન્ટેડ જાહેર કરી તેમની શોધખોળ હાથ ધરવામાં આવી છે.

મળતી માહિતી મુજબ રાજકોટ રેન્જના નાયબ પોલીસ મહાનિરીક્ષક નિર્લિપ્ત રાય (IPS) અને રાજકોટ ગ્રામ્ય પોલીસ અધિક્ષક **વિજયસિંહ ગુર્જર (IPS)**ના માર્ગદર્શન હેઠળ એલસીબીની ટીમ પેટ્રોલિંગમાં હતી. દરમિયાન ખાનગી બાતમીના આધારે ગઢડીયા ચોકડી પાસે **મારુતિ સુઝુકી સ્વિફ્ટ કાર (નં. GJ-03-EC-8706)**ને અટકાવી તપાસ કરતાં કારમાંથી ભારતીય બનાવટનો વિદેશી દારૂનો જથ્થો મળી આવ્યો હતો.

પોલીસે જયંતીભાઈ કાભાઈ ઓતારાદિ (ઉ.વ. 42), રહે. ચીતલીયા, તા. જસદણને ઝડપી પાડ્યો હતો. જ્યારે **રાહુલ છગનભાઈ વાઘાણી (શિવરાજપુર, જસદણ), પ્રવીણભાઈ સેવલાભાઈ તોમર (અમ્બાદાબેરી, જી. અલીરાજપુર, મધ્યપ્રદેશ) અને ધર્મેન્દ્રભાઈ ઉર્ફે ધમો વાલકુભાઈ ખાચર (મોટાદવા, તા. ગોંડલ)**ને વોન્ટેડ જાહેર કરવામાં આવ્યા છે.

પોલીસે આરોપી પાસેથી 180 એમએલની વિદેશી દારૂની 384 બોટલ કિંમત રૂ.65,280, એક મોબાઇલ ફોન કિંમત રૂ.5,000 અને સ્વિફ્ટ કાર કિંમત રૂ.1,00,000 મળી કુલ રૂ.1,70,280નો મુદ્દામાલ કબજે કર્યો છે.

આ સમગ્ર કાર્યવાહી એલસીબી રાજકોટ ગ્રામ્યના પીઆઈ જે.પી. રાવલ, પીએસઆઈ કે.એમ. ચાવડા, એચ.સી. ગોહિલ, આર.વી. ભીમાણી, પી.એન. ભરવાડ, એએસઆઈ બાલકૃષ્ણભાઈ ત્રિવેદી, ઈન્દ્રસિંહ, જયવીરસિંહ, અનિલભાઈ ગુજરાતી તથા સ્ટાફ દ્વારા સફળતાપૂર્વક પાર પાડવામાં આવી હતી. પોલીસે ગુનો નોંધી વધુ તપાસ હાથ ધરી છે.