સુલતાનપુરનાં એક પરિવારની હાલત અત્યંત દયનિય ખજૂરભાઈ જેવા અનેક દાતાની પાસે આશા.
ગોંડલના સુલતાનપુર ખાતે વસવાટ કરતો પરિવાર અત્યંત ખરાબ પરિસ્થિતિમા જીવન નિર્વાહ કરી રહયો છે એક સાંધો ત્યાં તેર તૂટે એવીજ હાલત આ પરિવાર ની છે આ પરિવાર ખજૂરભાઈ એટલે કે નીતિનભાઈ જાની જેવા અનેકો દાતા પાસે એક અપેક્ષા રાખી રહયો છે કે તેમનું પણ એક ઘર બને.
સુલતાનપુર મા જુના બસ સ્ટેન્ડ પાસે રહેતા જીતેન્દ્રભાઈ પ્રેમજીભાઈ અંકલેશ્વરીયા ઉ. વ.60 રીક્ષા ચલાવીને પોતાના પરિવારનું ભરણ પોષણ કરી રહયા છે, જીતેન્દ્રભાઈ અસ્થિર મગજ નાં બહેન રસીલાબેન છેલ્લા ઘણા વર્ષ થી શેરી, ગલી અને સીમ મા એક પણ કપડું પહેર્યા વગર ફરી રહ્યા છે, અત્રે એ ઉલ્લેખનીય છેકે હાલ માનસિક અસ્થિર રસીલા બેને એલાએલબી સુધી નો અભ્યાસ કર્યો હતો, પરંતુ હોનારત માં ઘર તણાઈ જતાં તેઓ માનસિક અસ્થિર બની ગયા હતા,
દુષ્કાળ માં અધિક માસ ની જેમ આર્થિક નબળી પરિસ્થિતિ માં જીતેન્દ્ર ભાઈ ઉપર અંધ વૃદ્ધ માસીની જવાબદારી પણ આવી છે, આ પરિવાર એક ઓરડી મા રહે છે ઘર મા એક નાનો લેમ્પ છે, પીવાના પાણી નું માટલું પણ નથી, પ્લાસ્ટિક ના તૂટેલા કેરબા માથી આ પરિવાર પાણી પીવે છે, ફક્ત ઉપર આકાશ ને નીચે ધરતી ના સહારે આ પરિવાર જીવન પસાર કરી રહયા છે, આ પરિવાર ને એક આશા છે કે ખજૂરભાઈ જેવા કોઈ એક દાતા તેમને પણ એક મકાન બનાવી આપે, તો તેમને પણ એક આશરો થઇ જાય, તેવી આશા એ આ પરિવાર જીવી રહયો છે,
આ જાણ સુલતાનપુર ના સેવાકીય લોકો ને થતા સંજયભાઈ ચાવડા, સુભાષ ચાવડા, કિરીટ જોશી, દિપક નિમાવત, કમલેશ રાવરાણી સહિતનાઓ એ આ પરિવાર ની મુલાકાત લઈ ને આ ગરીબ પરિવાર થી વાકેફ કરાવવા વિડિઓ બનાવી ખજૂરભાઈ સહિતના દાતાઓ સુધી પહોંચાડવા ની કોશિશ કરી આ પરિવાર ની વહારે આવવા અપીલ કરી છે.
અહેવાલ -કમલેશ રાવરાણી
સુલતાનપુર
219 thoughts on “સુલતાનપુરનાં એક પરિવારની હાલત અત્યંત દયનિય ખજૂરભાઈ જેવા અનેક દાતાની પાસે આશા.”
Comments are closed.