ટ્રેનના સમય પત્રકમાં સુધારા અંગે પ્રતિપાલસિંહ ઝાલાની રેલવેને રજૂઆત.

અપડાઉન કરતા લોકોને પડતી મુશ્કેલીઓ વિશે સ્ટેશન માસ્તર સહિતને કર્યા માહિતગાર

ગોંડલ સ્ટેશન માસ્તરને અપ ડાઉન કરતાં લોકોની મુશ્કેલી વિશે માહિતગાર કરી જણાવ્યું કે ટ્રેન ક્રમાંક ૫૯૪૨૨ (વેરાવળ – રાજકોટ) નું રિબડા સ્ટેશન પર પહોંચવાનો સમય સવારના ૮:૩૨ અને પ્રસ્થાન કરવાનો સમય ૮:૩૩ અગાઉથી નિર્ધારિત અને નિયમિત રીતે ચાલતો હતો. રિબડા સ્ટેશન પર રોજ સવારના ૮:૩૦ વાગ્યે ટ્રેન ક્રમાંક ૫૯૪૨૩ (રાજકોટ- વેરાવળ) નું ક્રોસિંગ પણ કરવામાં આવતું હતું.

પરંતુ, તા. ૧૪-૧૧-૨૦૨૫ થી નવી ટ્રેન ક્રમાંક ૫૯૫૬૧ (રાજકોટ – પોરબંદર) શરૂ થતાં, હવે ટ્રેન ક્રમાંક ૫૯૪૨૨ (વેરાવળ – રાજકોટ) રિબડા સ્ટેશન પર ૮:૩૦ વાગ્યે પહોંચ્યા બાદ પહેલું ટ્રેન ક્રમાંક ૫૯૪૨૩ સાથે ક્રોસિંગ કરવામાં આવે છે અને ત્યારબાદ નવી શરૂ થયેલી ટ્રેન ક્રમાંક ૫૯૫૬૧ સાથે પણ ક્રોસિંગ કરવામાં આવે છે.

જેના કારણે ટ્રેન ક્રમાંક ૫૯૪૨૨ ને ૩૫-૪૦ મિનિટ સુધી રિબડા સ્ટેશને અનાવશ્યક રીતે રોકી રાખવામાં આવે છે, જયારે નવી ટ્રેન ક્રમાંક ૫૯૫૬૧ નું ભક્તિનગર પરથી પ્રસ્થાન સમય ૮:૫૦ છે. જો ટ્રેન ક્રમાંક ૫૯૪૨૨ ને રિબડાથી તેના મૂળ નિર્ધારિત સમય ૮:૩૩ વાગ્યે જ આગળ મોકલી દેવામાં આવે, તો તેનો ક્રોસિંગ ભક્તિનગર સ્ટેશન પર સરળતાથી થઈ શકે તેમ છે. તો પછી રિબડા સ્ટેશન પર જ એક સાથે બે-બે ટ્રેનોનું ક્રોસિંગ શા માટે કરવામાં આવે છે? આ બાબત અમારી સમજથી બહાર છે. ટ્રેન ક્રમાંક ૫૯૪૨૨ (વેરાવળ – રાજકોટ) નું રિબડા સ્ટેશન પર જ એક સાથે બે-બે ટ્રેનોનું ક્રોસિંગ થવા ના લીધે આ ટ્રેન ભક્તિનગર સ્ટેશન ઉપર ૩૫-૪૦ મીનીટ મોડી પહોંચે છે. જેના કારણે આ ટ્રેનમાં રોજગાર હેતુ રાજકોટ અપડાઉન કરતા હજારો કર્મચારી પોતાના કાર્ય સ્થળ ઉપર મોડા પહોંચે છે અને વધુ પડતા લોકોનો પગાર કાપી લેવામાં આવતા હોવા થી આર્થિક નુકશાન પણ ભોગવવું પડે છે.જેથી રોજિંદા મુસાફરી કરતા કર્મચારીઓ સમયસર તેમના કાર્યસ્થળે પહોંચી શકે. લોકલ ટ્રેનમાં દરરોજ ૩૫ થી ૪૦ મિનિટની વિલંબ થવાથી અહીંના સામાન્ય લોકોની દૈનિક જીંદગી પર ગંભીર અસર પડી રહી છે. ખાસ કરીને પ્રાઇવેટ નોકરી કરતા કર્મચારીઓ પોતાના રોજિંદા તેમની પર આર્થિક અને માનસિક દબાણ વધતું જાય છે. અપ ડાઉન કરતાં લોકોને ટ્રેન ક્રમાંક ૫૯૫૬૧ (રાજકોટ પોરબંદર) ને ફક્ત ૧૫-૨૦ મિનીટ મોડી કરીને તેનું ટ્રેન ક્રમાંક ૫૯૪૨૨ (વેરાવળ રાજકોટ) સાથેનું ક્રોસિંગ રિબડા સ્ટેશનને બદલે ભક્તિનગર સ્ટેશન પર કરવામાં આવે,

જો ૬:૨૦ વાગ્યાની ટ્રેન ઉપરાંત આ જ માર્ગ પર સાંજના સમયે વધુ એક નિયમિત ટ્રેન શરૂ કરવામાં આવે, તો મુસાફરોની ભીડ ઓછા પડે અને તમામ મુસાફરોને સલામત, સરળ અને સમયસર મુસાફરીની સુવિધા મળી શકે. કાર્યકાળ પછી આ માર્ગ પર મુસાફરી કરતા હજારો મુસાફરો માટે આ વધારાની ટ્રેન ખૂબ જ જરૂરી અને લાભદાયક સિદ્ધ થશે સાંજે ૬:૨૦ વાગ્યે ચાલતી ટ્રેન (૫૯૪૨૧) ઉપરાંત, રાજકોટ-વેરાવળ માર્ગ પર સાંજના ૭:૩૦ થી ૯:૩૦ વચ્ચેના સમયગાળામાં વધુ એક નિયમિત ટ્રેન શરૂ કરવા લેખીત રજુઆત કરતાં પડતી સમસ્યા વિશે સ્ટેશન માસ્તરે ઉચ્ચ કક્ષાએ આપણી રજૂઆત પહોંચતી કરવા માંગ કરવામાં આવી હતી.